Nahimong sentro sa Traditional Monday Flag Raising Ceremony sa BFP Dipolog City Fire Station kaniadtong Hunyo 1, ang Troop Information and Education (TI&E) message nga nagtutok sa importansya sa maayong panglawas ug wellness.
Sa mensahe ni FO3 Bayani B. Ano-os, Chief EMS, iyang gipasiugda nga ang regular nga ehersisyo, hustong nutrisyon, ug igo nga pagpahulay mahinungdanon aron mapadayon ang lig-on nga lawas ug maayong pangisip sa mga personahe nga anaa sa serbisyo publiko.
Gipangunahan ang kalihokan ni FSINSP Aprilyn B. Barbaso, acting City Fire Marshal, uban sa mga personnel sa estasyon isip simbolo sa panaghiusa, disiplina, ug dedikasyon sa katungdanan.
Matud sa BFP, ang maong kalihokan padayon nga nagpalig-on sa espiritu sa propesyonalismo ug kahandam sa pagserbisyo alang sa kaluwasan sa komunidad.(IKEN B. GULLEM)
Source: BFP R9 Dipolog Fire Station