Nagpahigayon og school visitation ug dayalogo ang mga kapulisan sa Manukan Municipal Police Station sa Linay Central School sa Barangay Linay, Manukan, Zamboanga del Norte isip kabahin sa regular nga implementasyon sa OPLAN BES o “Bisita Eskwela, I am Strong.”
Gipangunahan ni PMAJ Benjamin C. Napigtkit ang maong kalihokan nga nagtumong sa pagpalig-on sa seguridad ug kaluwasan sulod sa eskwelahan ilabina karon nga nahuman na ang regular nga klase.
Atol sa pagbisita, gipasig-uli sa kapulisan ang importansya sa pagbantay sa school premises ug mga kabtangan sa eskwelahan aron malikayan ang pagpangawat ug uban pang insidente.
Padayon usab nga gipatuman sa Manukan MPS ang OPLAN BES isip kabahin sa ilang kampanya sa pagmintinar sa malinawon ug luwas nga palibot sa mga tunghaan pinaagi sa suod nga koordinasyon sa komunidad ug sektor sa edukasyon.(IKEN B. GULLEM)
Source: PNP Manukan Police Station ZNPPO