Aduna nay kaugalingong lugar ang mga Indigenous Peoples (IP) sa Sibuco, Zamboanga del Norte aron mapadungog ang ilang tingog ug mapreserbar ang ilang kultura pinaagi sa bag-ong nahuman nga Municipal Tribal Hall.
Kini nga multi-purpose building nga gipatuman sa Department of Public Works and Highways (DPWH) Zamboanga del Norte 4th District Engineering Office gitukod aron mahimong sentro sa mga tigum, cultural gatherings, ug mga programa sa komunidad sa mga lumad.
Para sa mga benepisyaryo, dakong kausaban ang maong pasilidad tungod kay kaniadto wala silay permanenteng venue alang sa ilang mga kalihokan. Karon, mas sayon na alang sa mga IP leaders ug miyembro sa komunidad ang pag-organisa sa mga aktibidad nga nagpalig-on sa ilang tradisyon ug panaghiusa.
Gilauman usab nga ang tribal hall mahimong simbolo sa pag-ila ug pagrespeto sa kultura sa mga lumad samtang ginapalig-on sa gobyerno ang suporta alang sa inclusive ug community-based development sa probinsya.(IKEN B. GULLEM)
Source: DPWH REGION IX ZAMBOANGA PENINSULA