Dungan sa selebrasyon sa 27th P’gsalabuk Festival, nagtapok ang mga sports enthusiasts sa Dipolog Sports Center alang sa unang Dipolog Pickle P’gsalabuk Cup niadtong Mayo 22, 2026.
Napuno og kadasig ug friendly competition ang maong kalihokan diin gipakita sa mga partisipante ang ilang abilidad, teamwork, ug sportsmanship sa usa sa paspas nga nagasikat nga sports sa syudad.
Mitambong usab sa torneo sila City Councilor Harrison T. Young ug City Administrator Atty. Valerie Hope Jauculan-Flores aron suportahan ang maong sporting event uban sa mga players ug spectators.
Gawas sa kompetisyon, nagsilbi usab ang pickleball tournament isip paagi sa pagpasiugda sa aktibong panginabuhi ug pagpalig-on sa panaghigalaay ug panaghiusa sa mga sports enthusiasts sa komunidad.(JENIFFER JR. DELICA)
Source: Dipolog City Government