Nakadawat og usa ka desktop computer uban sa accessories ug usa ka printer ang Labason Municipal Fire Station gikan sa Zamboanga Nickel Corporation atol sa turnover ceremony nga gihimo sa opisina sa estasyon sayo karong adlawa.
Gidawat ni FINSP Joel S. Sabijon, Acting Municipal Fire Marshal sa Labason MFS, ang maong donasyon uban ni Ma’am Julma E. Villanueva, CRO Manager sa Zamboanga Nickel Corporation nga maoy nangulo sa turnover sa mga ekipo.
Makatabang dako ang maong mga donasyon aron mapalambo pa ang administrative ug operational services sa Labason Municipal Fire Station alang sa mas paspas ug mas episyenteng serbisyo sa komunidad.
Gipasalamatan sa Labason MFS ang Zamboanga Nickel Corporation sa ilang pagkamanggihatagon ug padayong suporta nga makatabang sa paglig-on sa serbisyo sa Bureau of Fire Protection sa lungsod.(JENIFFER JR. DELICA)
Source: BFP R9 Labason Fire Station