Gipahigayon sa buhatan sa CENRO Liloy, Zamboanga del Norte ang usa ka Tree Planting and Learning Activities isip kabahin sa pagsaulog sa Environmental Awareness Month, usa ka pagtimaan sa National Environmental Awareness Month, Clean Air Month, ug Climate Change Consciousness Week pinaagi sa usa ka kalihokan sa Liloy National High School.
Ang Principal sa maong tunghaan nga si Principal Celsor A. Racho, mipadayag sa kamahinungdanong aktibidad alang sa pagpanalipod ug pagpalambo sa kinaiyahan ug sa komunidad.
Naghatag kinig katin-awan ngadto sa mga magtutungha sa pagsalba sa kinaiyahan pinaagi sa mga diskusyon kabahin sa Disaster Preparedness, Coastal and Marine Ecosystems, Climate Change, Geohazards, and Solid Waste Management, ug ubang pang hiligutanan alang sa environmental nga mga isyu.
Pipila sa mga partisipante niining kalihokan gilangkuban sa Local Disaster Risk Reduction and Management Office (LDRRMO), Mines and Geoscience Bureau (MGB), Supreme Student Government (SSG), ug mga kawani sa eskwelahan.
Kabahin usab niini pagpakita sa mga partisipante sa pagpakabana sa kinaiyahan pinaagi sa pagtanom sa 100 ka mga seedling, lakip ang 50 ka Narra ug 50 ka punoan sa Mahogany ug pagpanghatag ug pipila ka mga pamphlet alang sa maayong gawi nga ipatuman usa kabahin sa selebrasyon sa Environmental Awareness Month, Clean Air Month, ug Climate Change Consciousness Week. (Medalyn U. Borja)
(Source: DENR Zamboanga Peninsula)