Davao Del Norte – Gikumpirma ni Mayor Ret Uy nga walay nahimong usik gumikan ang hugaw sa tawo nga ginakolekta sa matag pinuy-anan sa Tagum City tungod ginahimo kini ug abono kon fertilizer.
Sumala ni Uy nga miabot na sa kapin 3000 ka mga balay ang libreng nakabenepisyo sa serbisyo suyop septic sludge kon nasuyopan ang ilang septic tank.
Dugang niini, anaa na sa lima ka units sa sewage vacuum truck ang napalit sa LGU Tagum hinungdan nga mo-average sa 42 ka mga balay, pribado o kaha pampublikong gambalay ang masuyopan og hugaw matag adlaw.
Ang maong programa nga gipangunahan sa City Environment and Natural Resources Office (CENRO) ang tanang mga nakolekta nga hugaw ang ginadala ngadto sa Sanitary Landfill aron maproseso og mahimong abono. (Camille Santos Naraga)
(Source: 10th ID)