Miapil ang mga personnel sa Labason Municipal Fire Station sa tree planting activity nga gipahigayon sa Barangay Lapatan, Labason aron suportahan ang pagpanalipod sa kalikupan ug pagpalambo sa mga programa sa reforestation.
Gipangulohan ni Fire Senior Inspector Joel S. Sabijon, Acting Municipal Fire Marshal, ang pag-apil sa BFP sa maong kalihokan nga gihimo sa pakigtambayayong sa Lokal nga Panggamhanan sa Labason ubos ni Mayor Jelster Ed T. Quimbo, Zamboanga Nickel Corporation ug uban pang partner agencies.
Gitumong sa maong inisyatiba ang pagpalig-on sa paningkamot sa lainlaing sektor sa pagpreserbar sa kinaiyahan, pagdasig sa pagtanom og kahoy ug pagpalambo sa malungtarong pagdumala sa kalikupan.
Padayon nga gipalig-on sa mga partisipanteng ahensya ang ilang panagtambayayong aron mapreserbar ang kinaiyahan ug mapataas ang partisipasyon sa komunidad sa mga kalihokang nagpanalipod sa kalikupan.(JENIFFER JR. DELICA)
Source: BFP R9 Labason Fire Station