Gipahigayon sa Department of Agrarian Reform (DAR) Zamboanga del Norte ang Commission on Audit (COA) Annual Exit Conference alang sa 2025 audit niadtong Abril 14, 2026 sa Royal Farm, Dipolog City.
Gipangunahan ang kalihokan ni PARPO II Daisy Dell Suan Digamon uban sa COA audit team nga gilangkuban nila Regional Supervising Auditor Aida L. Mangaser ug Audit Team Leader Barbara Beatriz C. Molejon, uban sa ubang miyembro sa team.
Sa maong komperensya, gihisgutan ang resulta sa audit lakip ang mga isyu sa paggasto, kakulang sa dokumento, ug mga polisiya. Gihatagan og higayon ang DAR sa paghatag og tubag ug klaripikasyon aron matul-id ang mga kakulangan sa dili pa ipinal ang report.
Mitambong usab ang mga key officials sa DAR lakip si PARAD Atty. Avito G. Zamora ug ubang opisyal ug kawani sa provincial office. Ang ilang presensya nagpakita sa paningkamot sa ahensya sa pagpalig-on sa transparency, accountability, ug maayong pagdumala.
Gipasiugda sa DAR nga padayon nilang panalipdan ang pondo sa gobyerno ug pauswagon ang serbisyo alang sa mga benepisyaryo sa agrarian reform.(IKEN B. GULLEM)
Source: DAR Zamboanga del Norte Province