Gipalig-on ang panag-uban sa buhis ug local revenue administration human mibisita ang mga opisyal sa Bureau of Internal Revenue (BIR) Zamboanga del Norte kang City Mayor Roberto Y. Uy sa City Mayor’s Office niadtong Abril 15, 2026.
Ang delegasyon sa BIR gipangulohan ni Compliance Section Chief Gil H. Saugin, kauban sila Chief Revenue Officer II Lizarbel A. Tabotabo, Chief Revenue Officer II (C) Jane Ray M. Moroscallo, ug Revenue District Officer Zaida Preciosa D. Bunda.
Kabahin ang pagbisita sa padayon nga koordinasyon sa LGU aron mapalig-on ang tax compliance monitoring ug masiguro ang hapsay nga pagpatuman sa mga regulasyon sa buhis sa lokal nga lebel.
Gipunting sa ahensya nga ang mas lig-on nga kolaborasyon tali sa BIR ug LGU makatabang sa pagpaayo sa revenue collection, pagpalapad sa tax base, ug pagpalig-on sa fiscal governance sa syudad.(IKEN B. GULLEM)
Source: Dipolog City Government