Nagsugod na pagbangon ang tulo ka pamilya nga nabiktima sa sunog didto sa Barangay Minaog ning siyudad human makadawat og pinansyal nga tabang gikan sa probinsyal nga gobyerno.
Usa sa mga apektado, si Judith Aplaca, 49 anyos, nagpasalamat sa natunol nga ayuda nga makatabang sa ilang pag-usab sa kinabuhi.
Matud niya, wala gayud silay nahibiling gamit tungod kay hingpit nga nasunog ang ilang balay sa maong insidente.
Lakip sa nakadawat og tabang sila si Ernie Acyatan ug Gerlyn Estrada, nga matag usa nakadawat og P5,000 nga cash assistance.
Ang ayuda gitunol nila Acting Provincial Administrator Charmie Asprer-Yu ug Acting Provincial Social Welfare and Development Officer Hannah Lou Mandantes.
Sumala sa report, tulo ka balay ang hingpit nga naabo sa sunog ug walay bisan unsang gamit ang naluwas.(IKEN B. GULLEM)
Source: Zamboanga del Norte Provincial News Network