Giandam sa City Government of Dapitan ang Table Tennis Tournament isip kabahin sa selebrasyon sa Kinabayo Festival 2026, diin gidapit ang mga bag-ong talento ug eksperyensiyadong mga manlalaro gikan sa nagkalain-laing bahin sa rehiyon.
Tumong sa maong torneyo nga mapakita ang kahanas sa mga atleta sa table tennis samtang mapalig-on usab ang panaghigalaay ug sportsmanship tali sa mga partisipante. Gigarantiyahan usab ang cash prizes alang sa top 3 finishers sa matag kategorya.
Apil sa mga kategorya ang 13 Under Boys ug Girls Singles, 17 Under Boys ug Girls Singles, Women’s Singles Open, Men’s Singles Open, ug Genderless Doubles.
Pagahimoon ang torneyo sa Hulyo 18 hangtod 19, 2026 sa JRMSU Main Gymnasium sa Dapitan City. Alang sa rehistrasyon ug mga pangutana, mahimong makigkontak kang Jezer O. Adasa pinaagi sa numerong 0997-520-5586.(JENIFFER JR. DELICA)
Source: City Government of Dapitan