Gihatagan og legal lecture sa Zamboanga del Norte Police Provincial Office o ZNPPO Legal Service ang mga personnel sa Dapitan City Police Station aron mapalawom ang ilang kahibalo sa mga balaod ug legal nga pamaagi nga may kalabutan sa ilang katungdanan niadtong nilabay nga adlaw.
Gipangulohan sa Provincial Legal Officer ang maong kalihokan nga gihimo alas 9:30 sa buntag isip kabahin sa pagpalig-on sa legal nga kahibalo sa kapulisan sa ilang operasyon ug trabaho sa opisina.
Gihisgutan sa lecture ang pipila ka importanteng mga balaod lakip ang Anti-Terrorism Act, Republic Act No. 9165 o Comprehensive Dangerous Drugs Act of 2002, ug ang hustong paggamit sa Body-Worn Camera.
Tumong sa maong kalihokan nga maghatag og giya sa mga pulis sa pag-atubang sa mga legal nga isyu ug kabalaka nga ilang masugatan samtang nagpatuman sa balaod ug nagserbisyo sa komunidad.(JENIFFER JR. DELICA)
Source: PNP Dapitan City Police Station