Dakpan ang Top 1 Municipal Most Wanted Person sa Sibutad MPS, Top 2 Provincial Most Wanted Person sa Zamboanga del Norte Police Provincial Office (ZNPPO), ug Top 4 Regional Most Wanted Person nga nag atubang sa kasong Sta-tutory Rape ug Sexual Assault atol sa gikasa nga joint operation sa mga personahe sa kapulisan niadtong Agosto 4, 2026, mga alas 4:30 sa hapon, didto sa Barangay Libay, Sibutad, Zamboanga del Norte.
Ang maong dinakpan nga wanted person naila nga usa ka 21 anyos nga lalaki kinsa gidakop pinaagi sa 1st Zamboanga del Norte Provincial Mobile Force Company (1st ZNPMFC), Sibutad Municipal Police Station (MPS), Zamboanga del Norte Police Intelligence Team-Regional Intelligence Unit 9 (ZDNPIT-RIU9), Zamboanga del Norte Police Intelligence Unit (ZNPIU), ug ang 901st Regional Mobile Force Battalion 9 (RMFB9) ug sa Police Regional Office 9 (PRO9) pinasikad sa warrant of arrest alang sa duha (2) ka ihap sa Statutory Rape ug Sexual Abuse ubos sa Section 5(b) sa Republic Act No. 7610, nga gi-isyu sa Family Court, Branch 4, Ninth Judicial Region, Dapitan City, nga gipetsahan Disyembre 23, 2025. nga adunay girekomendar nga piyansa nga Php200,000.00 para sa Kasong Sexual Abuse, samtang ang duha ka ihap sa Statutory Rape walay gitaganang piyansa.
Ang suspek gipahibalo sa kinaiya sa iyang pag-aresto ug mga katungod sa konstitusyon sa usa ka pinulongan nga iyang nasabtan ug anaa na kini karon sa kustodiya sa Sibutad MPS alang sa hustong disposisyon ug pagkompleto sa gikinahanglan nga mga legal nga proseso.(MEDALYN U. BORJA)
Source: ZNPPO