Nasakmit sa mga personahe sa kapulisan ang armas ug bala gikan sa usa ka lalaki atol sa malampusong operasyon niadtong Agosto 4, 2026, mga alas 5:35 sa hapon, niadtong Sitio Mangingisda, Barangay Calatunan, Sindangan, Zamboanga del Norte.
Ang maong armas nakuha gikan sa usa ka 28 anyos nga lalaki, gilangkuban sa usa (1) ka kalibre .380 Star Firestar pistol nga may serial number 371528, usa (1) ka magasin para sa kalibre .380 nga pistola, pito (7) ka buhing bala sa kalibre .380, usa (1) ka Colt Government Model caliber 45 M1911A1 pistol nga may serial number 186315, usa (1) ka magasin para sa kalibre .45 nga pistola, ug pito (7) ka buhing bala sa kalibre .45.
Ang pagkakumpiska sa mga armas gihimo pinaagi sa mga personahe sa Municipal Police Station (MPS), uban sa koordinasyon sa 1st Zamboanga del Norte Provincial Mobile Force Company (1st ZNPMFC) ug 97th Infantry Battalion, Philippine Army (97IB, PA), og Search Warrant tungod sa paglapas sa Republic Act No. Act) sa Sector 3,nga gi-isyu sa Regional Trial Court, Branch 11, Ninth Judicial Region, Sindangan, Zamboanga del Norte, nga gipetsahan Hulyo 27, 2026.
Ang suspek gipailalom sa medical examination sa Sindangan District Hospital sa wala pa gidala sa Sindangan MPS, uban sa mga nakumpiska nga armas ug bala, alang sa hustong dokumentasyon ug pagpasaka sa tukmang kaso.(MEDALYN U. BORJA)
Source: ZNPPO