Wala na maka iskapo sa kamot sa mga tinugyanan sa balaod homan masikop ang usa ka Top 9 Most Wanted Person atol sa gipatuman nga hiniusang intelligence-driven operation mga alas 9:40 sa buntag niadtong Marso 17, 2026, didto sa Purok Dos, Brgy. Bitoon, Jose Dalman Zambonga del Norte.
Naila ang dinakpan nga si alyas “Choy” 42 anyos, minyo, Top 9 Most Wanted Person (City Level) ug residente sa Purok Kawayan, Sitio Nawayan, Brgy. San Jose, Dipolog City, Zamboanga del Norte, gidakop pinaagi sa mga personahe sa Zamboanga del Norte Maritime Police Station (ZDN MARPSTA), sa koordinasyon sa Dipolog City Police Station (CPS) ug Jose Dalman Municipal Police Station (MPS), pinasikad sa Warrant of Arrest sa kasong Pag-amendar sa Balaod sa Arson (Paglapas sa Seksyon 3(2) sa Presidential Decree 1613), nga giisyu ni Hon.Felin Revelo Legara-Comidoy, Presiding Judge sa Regional Trial Court, Ninth Judicial Region, Branch 8, Dipolog City, gipetsahan ug Marso 16,2026 nga adunay girekomendar nga piyansa nga Php 120,000.00 alang sa iyang temporaryong kagawasan.
Ang dinakpan anaa karon sa kustodiya sa ZDN MARPSTA alang sa hustong disposisyon.(MEDALYN U. BORJA)
Source: ZNPPO