Sikop ang usa ka lalaki nga nag atubang sa kasong Serious Physical Injuries atol sa gipatuman nga joint operation sa Tracker Team sa Polanco Municipal Police Station (MPS), uban sa koordinasyon sa 3rd Platoon Intelligence Unit sa 1st Zamboanga del Norte Provincial Mobile Force Company (ZNPMFC), mga alas 9:30 ang takna sa buntag niadtong Marso 17, 2026, didto sa Brgy. Poblacion North, Polanco, Zambonga del Norte
Ang nadakpan nga wanted person naila si “Bachoy” , 40 anyos, minyo, walay trabaho, ug residente sa Purok Saging, Brgy. Isis, Polanco, Zamboanga del Norte kinsa gidakop pinaagi sa pagserbe sa Warrant of Arrest sa kasong Serious Physical Injuries ubos sa Article 263 sa Revised Penal Code, nga gi-isyu ni Hon. Deborah Page Garcia-Nazario, Presiding Judge sa Municipal Trial Court, Ninth Judicial Region, Polanco, Zamboanga del Norte, nga gipetsahan Marso 16, 2026 nga adunay girekomendar nga piyansa nga Php 10,000.00 alang sa iyang temporaryong kagawasan.
Ang dinakpan anaa karon sa kustodiya sa Polanco MPS alang sa hustong disposisyon.(MEDALYN U. BORJA)
Source: ZNPPO