Tungod sa pagpakatap ug sayop ug pagbutang-butang nga mga storya gi aresto sa usa ka intelligence-driven law enforcement operation sa mga personahe sa kapulisan ang usa ka 53 anyos nga babaye nga mag atubang karon sa kasong Grave Oral Defamation homan masikop mga alas 10:50 ang takna sa buntag niadtong Marso 17, 2026,didto sa Brgy. Punta Blanca, Manukan, Zamboanga del Norte.
Ang maong dinakpan naila nga si alyas “Vangie” 53 anyos, minyo, Filipino, ug residente sa Brgy. Punta Blanca, Manukan, Zamboanga del Norte,kinsa gidakop pinaagi sa Manukan Municipal Police Station (MPS).
Ang pag-aresto gihimo pinaagi sa bisa sa Warrant of Arrest alang sa krimen nga Grave Oral Defamation ubos sa Article 358 sa Revised Penal Code, nga gi-isyu ni Hon. Veronica C. DG-Laput, Presiding Judge sa Municipal Trial Court, 9th Judicial Region, Manukan, Zamboanga del Norte, nga gipetsahan Marso 16, 2026,nga adunay girekomendar nga piyansa nga Php 18,000.00 alang sa iyang temporaryong kagawasan.
Ang dinakpan gipahibalo sa iyang mga katungod sa konstitusyon, lakip ang Miranda Doctrine ug Anti-Torture Law, ug karon anaa sa kustodiya sa Manukan MPS alang sa hustong disposisyon.(MEDALYN U. BORJA)
Source: ZNPPO