DAVAO CITY -Usa ka misa pasalamat ang gipahigayon karong adlawa, Sabado, Mayo 17, 2025, sa Carmelite Monastery sa J.P. Laurel Avenue, Bajada, Davao City, isip timaan sa ilang pasalamat sa Labaw’ng Makagagahom sa nahuman nga malungtaron ug malinawon nga piniliay.
Gipangunahan kini nila Vice President Sara Duterte, napili pag-usab nga Davao City First District Representative Paolo “Pulong” Duterte, bag-ong Davao City Second District Representative-elect Omar Vincent Duterte, ug City Councilor-elect Rodrigo “Rigo” Duterte II. Kauban usab nila ang mga midaug sa pagka-konsihal sa Davao City Council nga sama nilang mihalad sa ilang pasalamat ug pag-ampo alang sa umaabot nilang panerbisyo.
Ang seremonya, nga gisalmotan sa ilang mga kauban, supporters, ug pipila ka local leaders, usa ka pagpangandam ug paghalad sa ilang mandato ngadto sa Ginoo, uban sa tinguha nga matuman ang serbisyo alang sa katawhan sa husto, malinawon, ug tinud-anay nga paagi. (camille Santos Naraga)(Source: Contributed