Himas rehas karon sa prisohan homan masikop ang usa ka 72 anyos nga Top 9 Most Wanted Person (Municipal Level ) nga nag atubang sa kasong Statutory atol sa gipatuman nga operasyon sa mga operatiba sa Tracker Team sa Polanco Municipal Police Station nga alas 4:15 ang takna sa hapon, Disyembre 23, 2025, didto sa Barangay Guinles Polanco, Zamboanga del Norte.
Naila ang dinakpan nga wanted person nga usa ka 72 anyos nga lalaki, minyo, ug residente sa nahisgutang lugar.
Ang pagkadakop sa suspek gihimo pinasikad sa Warrant of Arrest alang sa duha ka ihap sa kasong Statutory Rape, ubos sa Criminal Case Nos. 25-166 ug 25-167, nga gi-isyu ni Hon. Florendo Bolante Opay, Presiding Judge, Family Court, Ninth Judicial Region, Branch 4, Dapitan City, Zamboanga del Norte, nga gipetsahan Disyembre 23, 2025, nga walay piyansa nga girekomenda alang sa iyang temporaryong kagawasan.
Ang akusado gipahibalo sa hustong paagi sa iyang pagkadakop ug gipahibalo sa iyang mga katungod sa konstitusyon subay sa Miranda Doctrine ug ana-a karon gidala sa Polanco Municipal Police Station para sa hustong disposisyon.(MEDALYN U. BORJA)
Source: ZNPPO