Tingkagol karon sa prisohan homan masikop atol sa gipahigayon nga operasyon sa mga personahe sa kapulisan kalabot sa Simultaneous Anti-Criminality Law Enforcement Operation didto sa Purok Bolicon, Barangay Turno, Dipolog City, Zamboanga del Norte, mga alas 11:45 sa buntag niadtong Pebrero 11, 2026.
Ang maong dinakpan naila nga usa ka 33 anyos nga babaye, walay trabaho, ug residente sa New Lebangon, Polanco, Zamboanga del Norte kinsa gidakop pinaagi sa mga personahe sa Dipolog City Police Station tungod sa paglapas sa Comprehensive Dangerous Drugs Act of 2002 pinasikad sa warrant of arrest tungod sa paglapas sa Article II Section 5(1) ug Article II Section 11 sa Republic Act 9165, nga gi-isyu sa Regional Trial Court, 9th Judicial Region, Branch 8, Dipolog City nga gipetsahan Oktubre 17, 2025.
Ang dinakpan nga wanted person anaa na karon sa kustodiya sa Dipolog City Police Station alang sa hustong disposisyon.(MEDALYN U. BORJA)
Source: ZNPPO