Sikop ang usa ka 33 anyos na konduktor nga Street Level Individual (SLI) atol sa gipatuman nga hiniusang buy-bust operation sa mga alas 7:11 sa gabii niadtong Pebrero 11, 2026, sa mga personahe sa Sibutad Municipal Police Station, uban sa mga elemento sa 1st ZNPMFC, 901st MC-RMFB ug ZNPDEU,didto sa Purok 3. Barangay Marapong, Sibutad, Zamboanga del Norte.
Ang maong dinakpan naila nga usa ka 33 anyos nga lalaki, ulitawo, nagtrabaho isip konduktor ug residente sa Purok 2. Barangay Calube, Sibutad, Zamboanga del Norte kinsa nasakmitan sa mga otoridad sa gibana-bana nga 2 gramos nga gidudahang shabu nga adunay gibanabanang street value nga Php 13,600.00.
Nakumpiska atol sa operasyon gikan sa suspek mao ang mga nagkadaiyang butang nga dili druga.
Ang dinakpang suspek anaa na karon sa kustodiya sa Sibutad Municipal Police Station alang sa hustong disposisyon.
Samtang ang mga nakumpiska nga ebidensya sa droga itugyan ngadto sa Zamboanga del Norte Provincial Forensic Unit alang sa chemical examination.(MEDALYN U. BORJA)
Source: ZNPPO