Dakpan ang usa ka drug suspek atol sa gipatoman nga buy-bust operation sa mga personahe sa kapulisan mga alas 6:57 sa buntag niadtong Septiyembre 3, 2026,didto sa Purok Duranta 2, Barangay Gulayon, Dipolog City, Zamboanga del Norte.
Ang maong dinakpan nga drug suspek naila nga usa ka 32 anyos nga lalaki nga residente sa nahisgutang barangay, kinsa nakumpiskahan sa kapulisan ug nagkadaiyang heat-sealed transparent plastic sachets sa gituohang shabu nga mutimbang sa gibana-bana nga 1 ka gramo nga adunay kantidad nga P6,800 ka pesos uban sa mga butang nga dili druga.
Ang pagkadakop sa suspek ug pagkakumpiska sa mga ilegal na drugas gihimo pinaagi sa mga personahe sa Dipolog City Police Station – Station Drug Enforcement Team (SDET), ubos sa pagdumala sa Chief of Police ug sa koordinasyon sa Philippine Drug Enforcement Agency Region 9 (PDEA 9).
Ang mga nakumpiskang droga ipadala sa Zamboanga del Norte Provincial Forensic Unit alang sa laboratory examination.
Samtang, ang nadakpang suspek anaa sa kustodiya sa Dipolog City Police Station alang sa hustong disposisyon ug angay nga proseso sa korte.(MEDALYN U. BORJA)
Source: ZNPPO