Arestado sa hiniusang law enforcement operation sa mga operatiba ang usa ka pinangita sa balaod, niadtong Septiyembre 10,2025,sa may alas 4:45 ang takna sa hapon,didto sa Barangay Maras, Sindangan, Zamboanga del Norte.
Ang dinakpan naila nga si alyas “Jun” , 43 anyos, lalaki, mag-uuma, minyo, ug residente sa Barangay Misok, Sindangan, Zamboanga del Norte kinsa nalista nga Top 3 Most Wanted Person Municipal Level.
Ang pagdakop gihimo pinaagi sa usa ka Warrant of Arrest alang sa krimen nga Pagpanglugos ubos sa Criminal Case No. S-3400, nga giisyu ni Honorable Mundlyn Geonzon Misal-Martin, Presiding Judge sa Family Court, Branch 05, 9th Judicial Region, Sindangan, Zamboanga del Norte, pinetsahan ug Hulyo 23, 2025 nga walay piyansa nga girekomendar.
Ang suspek gidala gilayon sa Sindangan District Hospital alang sa gikinahanglang physical ug medical examination una pa gidala sa Sindangan Municipal Police Station alang sa tukmang disposasyon.(Medalyn U. Borja)