Gipahigayon sa Dipolog City Police Station (PNP) ang usa ka awareness lecture kabahin sa kadaut sa ilegal nga droga ngadto sa Persons Who Used Drugs (PWUDs) niadtong Setyembre 10, 2025 didto sa Barangay Gulayon, ning syudad sa Dipolog.
Ang maong kalihokan gipangulohan ni (PSSg) Police Staff Sergeant Mariel M. Otanio – CAD PNCO, ug nagtinguha sa pagpahimangno sa komunidad bahin sa peligro ug mga negatibong epekto sa paggamit ug pag-apil sa droga.
Lakip sa lecture, gipang-apod-apod usab ang informative flyers aron mas masabtan sa mga partisipante ang mga epekto sa ilegal nga droga ug ang kahinungdanon sa pagpugong niini. Kini nga inisyatibo usa ka bahin sa padayon nga anti-illegal drugs advocacy sa Philippine National Police, nga nagpaluyo sa awareness, prevention, ug rehabilitasyon sa lebel sa komunidad.
Ang kalihokan nagpamatuod sa dedikasyon sa Dipolog PNP sa pagprotektar sa katawhan ug sa pagtabang sa mga naapektuhan sa droga aron makabalik sa husto ug luwas nga dalan sa kinabuhi.(Jumalisa Papa)
Source: Dipolog CPS