Dakpan ang usa ka Top 3 Most Wanted person atol sa gikasa nga buy-bust operation sa mga personahe sa kapulisan mga alas 12:00 sa udto niadtong Hulyo 12, 2026, didto sa Barangay Balonkan, Sirawai, Zamboanga del Norte.
Ang maong dinakpan nga wanted person naila nga usa ka 43 anyos nga lalaking mag-uuma usa ka Top 3 Municipal Most Wanted Person ug Top Priority Illegal Drugs Personality tungod sa paglapas sa Sections 5 ug 11, Article II sa Republic Act No. 9165 (Comprehensive Dangerous Drugs Act of 2002).
Ang pagkadakop sa wanted person gihimo pinaagi sa intelligence operatives sa Sirawai Municipal Police Station, isip lead unit, uban sa koordinasyon sa mga personahe gikan sa Zamboanga del Norte Police Intelligence Team-Regional Intelligence Unit 9, Regional Intelligence Division 9, 2nd Zamboanga del Norte Provincial Mobile Force Company, ug 905th Regional Mobile Force Battalion 9 pinasikad sa warrant of arrest nga gi-isyu sa Regional Trial Court, 9th Judicial Region, Branch 27, Siocon, Zamboanga del Norte.
Ang suspek gipahibalo sa kinaiya sa iyang pagkadakop ug mga katungod sa konstitusyon ug anaa na kini karon sa kustodiya sa Sirawai Municipal Police Station alang sa hustong disposisyon ug pagkompleto sa gikinahanglan nga mga legal nga proseso.(MEDALYN U. BORJA)
Source: ZNPPO