Balhog karon sa prisohan ang usa ka 34 anyos nga bag-ong nailhan nga Street Level Individual homan masikop atol sa gipatoman nga buy-bust operation mga alas 12:50 sa kaadlawon niadtong Hulyo 13, 2026, didto sa Roxas, Zamboanga del Norte.
Ang maong dinakpan naila nga usa ka 34 anyos nga lalaki,walay trabaho ug residente sa nasangpit nga lugar kinsa giila nga usa ka street-level nga indibidwal nga nalambigit sa ilegal nga negosyo sa droga.
Gidakop pinaagi sa mga personahe sa Roxas Municipal Police Station isip lead unit, uban sa koordinasyon sa 901st Maneuver Company, Regional Mobile Force Battalion 9, ug sa 1st Platoon sa 1st Zamboanga del Norte Provincial Mobile Force Company, isip kabahin sa Service of Sentence and Law Enforcement Operation (SACLEO).
Atol sa operasyon nakumpiska gikan sa dinakpan ang gibana-bana nga 1.2 gramos nga gituohang shabu nga adunay gibanabanang kantidad sa Dangerous Drugs Board (DDB) nga P8,160.00 ,uban sa mga butang nga dili druga.
Ang mga nakumpiska nga gituohang ilegal nga droga ipadala sa Zamboanga del Norte Provincial Forensic Unit sa Dipolog City alang sa laboratory examination, samtang ang nadakpan nga suspek anaa sa kustodiya sa Roxas Municipal Police Station alang sa pagpasaka sa tukmang kaso ug hustong disposisyon.(MEDALYN U. BORJA)
Source: ZNPPO