Nasikop sa mga operatiba ang usa ka high-value drug suspect atol sa buy-bust operation nga gihimo sa Barangay Andili, Mawab, Davao de Oro, isip kabahin sa padayon nga kampanya sa kapulisan batok sa ilegal nga droga.
Gipahigayon ang operasyon sa mga sakop sa Mawab Municipal Police Station sa koordinasyon sa Philippine Drug Enforcement Agency (PDEA).
Atol sa operasyon, narekober gikan sa suspetsado ang gituohang shabu, marked buy-bust money, ug uban pang mga ebidensyang may kalabotan sa ilegal nga droga.
Human sa operasyon, gihimo sa mga otoridad ang husto nga pagmarka, pag-inventory, ug pagdokumento sa tanang nakumpiskang ebidensya subay sa gitakdang legal nga pamaagi.
Ang nadakpan anaa na sa kustodiya sa Mawab Municipal Police Station samtang giandam ang kasong paglapas sa Republic Act No. 9165 o ang Comprehensive Dangerous Drugs Act of 2002.(Camille Santos Naraga)(Source: PNP Mawab Municipal Police Station)