Nasakote sa kapulisan ang giilang top 3 Most Wanted Person, nga adunay Duha ka ihap sa kasong Statutory Rape, pinaagi sa gipahigayon nga Joint Law Enforcement Operation sa mga Personahe sa Siocon Municipal Police Station (MPS) kauban niini ang uban pang mga Force Multiplier’s, diin ang maong operasyon didto gipahigayon sa Setio Mambong, Barangay Cadiz, Lungsod sa Siocon ning Probinsiya sa Zamboanga Del Norte, niadtong nakalabay’ng Hulyo 02, 2025.
Giila ang dinakpan sa Alyas nga Dongkoy, 20 anyos nga lalaking lumolupyo sa nasangpit nga lugar, diin kini gisikop pinasikad sa Warrant of Arrest nga giisyu gikan RTC Branch 27, 9th Judicial Region, Branch 5, Siocon Zamboanga Del Norte, pinitsahan og Hunyo 24, ning kasamtangang tuig.
Walay toguti sa Korte nga makapyansa ang suspetsado alang sa iyang temporaryong kagawasan, diin ang naasoy nga dinakpan atua na ubos sa kustodiya sa Siocon Municipal Police Station, samtang giasikaso pa ang pagbalik sa Warrant of Arrest ngadto sa Korte nga nag-isyu niini. (Julius Esmade)