Sikop ang usa ka Mananagat, pinaagi sa gipahigayon nga Buy-Bust Operation sa mga Personahe sa Labason Municipal Police Station, didto sa Barangay Kipit, Lungsod sa Labason ning Probinsiya sa Zamboanga Del Norte, niadtong Hulyo 2, 2025 sa may Alas 6:05 sa Buntag.
Giila sa Labason Pnp ang dinakpan sa Alyas nga Dodo, 54 anyos, lalaki ug residente sa Barangay Osukan, Lungsod sa Labason, ning maong Probinsiya, diin matud pa, pagpanagat ang panginabuhian niini.
Base sa pahayag nga giluwatan sa Labason Pnp, naaktuhan matud pa nila ang suspect nga namaligya sa gituohang iligal nga Drogang Shabu, diin nakumpiska gikan sa kontrol ug posesyon sa dinakpan ang Usa ka naka Heat-Sealed Trasnparent Plastic Sachet , nga adunay sulod nga White Crystalline Substance ug kini gituohang Shabu, nga mokabat ang gibug-aton sa 2 gramo’s, samtang gibana-bana ang kantidad niini, base Standard Drug Price (SDP) nga mokabat ngadto sa Php13,600.00.
Nakuha usab pagbalik ang tibuok nga Php500,00 nga maoy gigamit isip Buy-Bust Money maingon man, nakuha usab gikan sa iyang kontrol ang usa ka kolor itum Cell Phone nga Key Pad, diin ang nasangpit nga operasyon, dinuyogan sa mga Personahe sa 2nd Zamboanga del Norte Provincial Mobile Force Company, Provincial Drug Enforcement Unit (PDEU), ug ang mga personahe sa Philippine Drug Enforcement Agency (PDEA) Zamboanga del Norte.
Sa pagkakaron ang dinakpan atua na temporaryong naka detiner sa Labason Municipal Lock-up Cell, samtang ang ebidensiyang iligal nga Drogang Shabu gikan sa Suspect, atua na gipadala sa Zamboanga del Norte Provincial Forensic Unit – Liloy Satellite Office alang na sa qualitative ug quantitative nga examination.(Julius Esmade)