Nadakpan sa usa ka law enforcement operation nga gipatuman sa mga tinugyanan sa balaod ang usa ka ulitawo nga nalambigit sa kasong Qualified Trespass to Dwelling,niadtong Hulyo 2,2025, pasado alas 12:00 ang takna sa udto,didto sa Purok Orchids, Barangay Anastacio, Polanco, Zamboanga del Norte.
Ang dinakpan naila nga si Jonathan Largo Entera, 28 anyos, lalaki, ulitawo, usa ka mag-uuma nga residente sa susamang barangay, kinsa gidakop tungod sa kasong Qualified Trespass to Dwelling ubos sa Criminal Case No. 3566.
Ang operasyon gihimo sa Tracker Team sa Polanco Municipal Police Station subay sa warrant nga gi issue ni Hon. Deborah Page Garcia-Nazario, Presiding Judge sa Municipal Trial Court, Ninth Judicial Region, Polanco, Zamboanga del Norte, pinetsahan og Hunyo 30, 2025.
Gipahibalo ang suspek sa iyang katungod sa konstitusyon ug anaa kini karon sa kustodiya sa Polanco Municipal Police Station alang sa pag atubang sa nasangpit nga kaso.(Medalyn U. Borja)
Source: ZNPPO