Garbo sa dakbayan sa Dipolog nga sa 149 ka mga City Disaster Risk Reduction and Management Councils/Offices sa tibuok nasud, nakuha niini ang Top 2 sa “Beyond Compliant” rating sa Gawad KALASAG National Validation and Selection Committee.Kini ang nasayran human gi-presentar nila ni NDRRMC Chairperson ug Department of National Defense Secretary Gilberto Teodoro, Jr., DILG Sec. Benhur Abalos ug OCD Administrator Undersecretary Ariel Nepomuceno, ang pasidungog ngadto ni Mayor Darel Dexter T. Uy atol sa 23rd Gawad KALASAG Seal of Excellence awarding didto sa kaulohang Manila niadtong Disyembre 11 ning tuiga.Sumala sa post ni Mayor Uy sa iyang FB Page, dako ang iyang kalipay ug pasalamat nga nakita sa NDRRMC ang pagpaningkamot ug pagpanlimbasog sa dakbayan ilabina sa CDRRM Council nga magmalampuson ang implementasyon sa mga programa, proyekto ug inisyatiba alang sa luwas ug malahutayon nga komunidad.Nasayran nga ang Top 1 mao ang Zamboanga City, Top 3 ang Calapan City, Top 4 San Pablo City ug Top 5 Makati City.(Source: DIPOLOG CITY GOVERNMENT Facebook Page)