Nahitabo kini kagahapon sa buntag, Desyembre 13, 2023, didto sa Barangay Poblacion, lungsod sa Daanbantayan, probinsya sa Sugbo.
Ang biktima giila sa Daanbantayan Police Station na mao si Marck Wen Manzanares Monteza, 22 anyos ang panuigon, ulitawo, residenti sa naasoy na lugar.
Naila usab ang suspetsado na amahan na mao si Lim Piamonte Monteza, 63 anyos ang pangidaron, taga didto rapud sa maong lugar.
Sa inbestigasyon sa kapulisan na ang amahan ug anak nag-away sa wala pa nahitabo ang krimin ug sa kalagot sa amahan iyang gi martilyo ang iyang anak sa ulo samtang natulog kini na maoy hinungdan sa kamatayon niini.
Sa pagkakaron giandam na sa kapulisan ang kasong Parricide batok sa mahan na niunay sa pagpatay sa iyang anak.
(Renante Socia Lada, photo courtesy by Daanbantayan Police Station)
