Wala na maka iskapo sa kamot sa mga tinugyanan sa balaod ang usa ka Top 2 Most Wanted Person atol sa gikasa nga intelligence operation sa mga personahe sa Sergio Osmeña Municipal Police Station, uban sa koordinasyon sa 901st Maneuver Company, RMFB 9, Zamboanga del Norte Maritime Police Station, 1st ZNPMFC, ug ZNPIU, mga alas 12:05 sa kaadlawon niadtong Hunyo 24, 2026, didto sa Sitio Sebremar, Barangay Biayon, Sergio Osmeña, Zamboanga del Norte.
Ang dinakpan giila nga si alyas “Jose” 61 anyos, ulitawo, usa ka mag-uuma, ug residente sa Purok 1, Barangay Biayon, Sergio Osmeña, Zamboanga del Norte, kinsa gidakop pinaagi sa Warrant of Arrest alang sa Sexual Assault ubos sa Article 266-A(2) kalabot sa Section 5(b) sa Republic Act No. 7610, ug paglapas sa Acts of Lasciviousness ubos sa Article 336 sa Revised Penal Code kalabot sa Section 5(b) sa Republic Act No. 7610, nga gi-isyu ni Hon. Nestor Rabulan Angeles, Presiding Judge sa Family Court, Ninth Judicial Region, Branch 3, Dipolog City, Zamboanga del Norte ug adunay girekomendar nga piyansa nga P480,000.
Ang dinakpan gipahibalo sa hinungdan sa iyang pagkadakop ug mga katungod sa konstitusyon ug anaa kini karon sa kustodiya sa Sergio Osmeña Municipal Police Station para sa hustong disposisyon ug dugang nga mga proseso sa korte.(MEDALYN U. BORJA)
Source: ZNPPO