Nagtingkagol na karon sa prisohan homan masikop atol sa gipatoman nga intelligence-driven joint law enforcement operation, ang Top 5 Most Wanted person sa kasong pagpayuhot sa ilegal na drugas mga alas 8:00 ang takna sa kabuntagon niadtong Hunyo 24, 2026, didto sa Purok Lanzones, Barangay Magangon, Polanco, Zamboanga del Norte.
Naila ang dinakpan nga wanted person nga usa ka 44 anyos nga lalaki nga nalista isip Top 5 Most Wanted Person (Municipal Level) ug giila nga Top Priority Target Illegal Drugs Personality.
Ang pagkadakop sa nasangpit nga suspek gihimo pinaagi sa mga personahe sa Polanco Municipal Police Station, uban sa koordinasyon sa mga operatiba gikan sa (ZNPIU), Zamboanga del Norte Highway Patrol Group ug 97IB, sa bisa sa Warrant of Arrest tungod sa paglapas sa Section 11, Article II sa Republic Act No. 9165 (Comprehensive Dangerous Drugs Act of 2002),nga gi-isyu ni Hon. Felin Revelo Legara-Comidoy, Presiding Judge sa Regional Trial Court, 9th Judicial Region, Branch 8, Dipolog City, Zamboanga del Norte, nga gipetsahan Nobyembre 11, 2025 ug adunay piyansa nga P200,000.00 alang sa iyang temporaryong kagawasan.
Ang dinakpan anaa karon sa kustodiya sa arresting unit alang sa hustong dokumentasyon ug disposisyon sa dili pa kini itugyan ngadto sa nag isyu nga Korte.(MEDALYN U. BORJA)
Source: ZNPPO