Nadakpan ang usa ka incumbent barangay chairman sa buy-bust operation nga gilusad sa Philippine Drug Enforcement Agency o PDEA ug kapulisan sa Barangay Marapong, Sibutad, Zamboanga del Norte niadtong Hunyo 22.
Giila ang suspetsado pinaagi sa alyas nga “Negro,” 41 anyos, ulitawo ug kasamtangang barangay chairman sa maong barangay.
Narekober sa operasyon ang gibanabana nga 5.2 gramos sa gidudahang shabu nga adunay standard value nga P35,360, lakip ang buy-bust money ug usa ka flip-top cigarette pack.
Giatubang karon sa suspetsado ang kasong paglapas sa Sections 5 ug 11 sa Republic Act 9165 o Comprehensive Dangerous Drugs Act of 2002, samtang gipadayon sa PDEA ang kampanya batok sa ilegal nga droga sa rehiyon.(JENIFFER JR. DELICA)
Source: PDEA ROIX