Tingkagol karon sa prisohan homan masikop ang usa ka Top 10 Most Wanted Person (Provincial Level), atol sa gipatuman nga operasyon sa mga personahe sa 901st Maneuver Company, RMFB9 (Lead Unit), uban sa koordinasyon sa Polanco Municipal Police Station (MPS) ug sa 97th Infantry Battalion, Philippine Army, mga alas 12:30 sa udto niadtong Marso 26, 2026 didto sa Barangay Poblacion North, Polanco, Zamboanga del Norte.
Ang dinakpan naila nga usa ka 39 anyos nga lalaki, ulitawo, ug residente sa Barangay Teresita, Piñan, Zamboanga del Norte kinsa gidakop pinaagi sa bisa sa Warrant of Arrest tungod sa paglapas sa Section 10(a), Republic Act No. 7610, nga gi-isyu ni Hon. Nestor R. Angeles, Presiding Judge, Regional Trial Court, Branch 8, Dipolog City, nga gipetsahan Agosto 30, 2024, nga adunay girekomendar nga piyansa nga Php 80,000.00 alang sa iyang temporaryong kagawasan.
Ang akusado gipahibalo sa kinaiya sa iyang pag-aresto ug katungod sa konstitusyon ubos sa Miranda Doctrine.(MEDALYN U. BORJA)
Source: ZNPPO