Malampusong napahigayon sa kawani sa BFP Dapitan City Fire Station ang BFP Open House nga gitanyag alang sa mga Criminology Interns sa Jose Rizal Memorial State University (JRMSU) Dapitan City, niadtong Marso 25,2026.
Ang maong kalihokan gihimo pinaagi sa pagpangulo ni FSINSP ROMMEL M ROJAS, REE, Acting City Fire Marshal sa Dapitan City Fire Station, isip kabahin sa pag-obserbar sa Fire Prevention Month 2026.
Tumong niini nga mahatag ngadto sa mga intern ang usa ka komprehensibo nga pagsabut sa mga operasyon sa serbisyo sa sunog, mga tahas, ug mga responsibilidad sa mga bombero sa pagsiguro sa kaluwasan sa publiko.
Usa ka pamaagi sa Bureau of Fire Protection Dapitan City Fire Station aron makabaton ang maong mga tinun-an sa bililhong mga panabut ug praktikal nga kahibalo nga makatampo sa ilang pag-uswag sa akademya ug umaabot nga mga karera sa serbisyo sa kaluwasan sa publiko.
Sa nasangpit nga kalihokan ang mga tinun-an gipailawom usab sa usa ka informative station tour aron magdani sa mga diskusyon, sa mga partisipante nga mahatag higayon sa pag-obserbar sa aktuwal nga firefighting equipment, apparatus, ug operational procedures.
Tungod niini ang mga personahe mipasalig sa ilang pabiling komitado sa pagpalambo sa panagtambayayong, pagpasiugda sa fire safety awareness, uban ang integridad ug dedikasyon sa pagpalambo sa mga takos nga indibidwal nga moserbisyo sa komunidad.
Alayon niini nga mag giya isip plataporma aron mapalig-on ang kolaborasyon ug kahibalo sa umaabot nga mga propesyonal sa pagpatuman sa balaod, nga nagpasiugda sa kamahinungdanon sa koordinasyon ug pagkaandam sa mga sitwasyon sa pagtubag sa emerhensya.(MEDALYN U. BORJA)
Source: BFP RIX CRS DAPITAN CFS