Nasikop sa hiniusa nga law enforcement operation sa mga personahe sa Tracker Team sa Sindangan Municipal Police Station (MPS),kauban ang 1st ZNPMFC, RID9, ug Pagadian City Police Station (CPS), ang usa ka high-profile wanted nga indibidwal mga alas 2:30 ang takna sa hapon, Pebrero 11,2025,didto sa Barangay Goleo, Sindangan, Zamboanga del Norte.
Naila ang dinakpan nga si alyas “Cris”,lalaki 37-anyos, minyo, mag-uuma, ug residente sa Barangay Dicoyong, Sindangan, Zamboanga del Norte kinsa nag atubang sa kasong Statutory Rape.
Ang pagkasikop gipatuman pinaagi sa usa ka Warrant of Arrest nga giisyu ni Hon. Cholyn Mae Ruiz-Bonbon, Acting Presiding Judge sa RTC Branch 22, Pagadian City, pinetsahan Abril 25, 2023 nga walay piyansa nga girekomendar.
Ang suspek gi-refer sa Sindangan District Hospital alang sa physical ug medical examination homan gidala kini sa Sindangan MPS alang sa tukmang disposasyon.(Medalyn U. Borja)
Source: ZNPPO