Dakpan ang usa ka 26 anyos nga lalaking nagpayuhot sa iligal nga drogang shabu, sa gipahigayon nga hiniusang buy-bust operation sa mga personahe sa kapolisan sa Dapitan CPS, didto sa Purok Mangga, sa Barangay Sulangon, syudad sa Dapitan Zamboanga del Norte niadtong miaging adlaw.
Ang dinakpan nailhan sa Dapitan PNP sa pangalan nga si alyas Jamuel, ulitawo ug may ka live-in partner ug kasamtangang nanimuyo sa purok Piyape sa Barangay Sicayab Bucana, sa nahisgutang nga Dakbayan,kinsa positibo kining nakuhaan sa gituhuang iligal nga drugang shabu, nga adunay timbang sa 1.5 gramos nga adunay banabana nga mokantidad sa Standard Drug Price nga mokabat ngadto sa 10,200 ka pesos.Apil usab sa nakuha ang tibuok nga 500 peso bill isip buy bust money nga maoy gigamit sa pagpalit sa poseur buyer.
Apil usab sa nakuha sa posisyon sa nahisgutang dinakpan ang usa ka unit sa single mortor ug ang usa ka unit sa mobile phone, samtang giturn-over gilayon ang nakumpiskang iligal nga drogas ngadto sa ZN Provincial Forensic unit-9 alang na chemical examination.
Sa pagkakaron ang suspetsado ang anaa na sa kustodiya sa Dapitan PNP ug mag atubang sa kasong paglapas sa RA 9165 kun Comprehensive Dangerous Drug Act of 2002.(Angelica T. Obina)