Malampusong napahigayon sa buhatan sa Commission On Election (COMELEC) dinhi sa dakbayan sa Dipolog ang Operation Baklas, diin gipangbaklas o gitangtang ang mga Tarpaulin ingon man mga Poster nga gibutang sa dili designated area o poster area nga didto lamang gayud ipahimutang tanan para sa mga hulagway sa mga politiko.Ang maong lakang sa Comelec gisugdan kini sa unang adlaw sa National Campaign period sa senatorial candidate ug ingon man sa mga partylist.
Gihatagan kini ug katin-awan ug pagpasabot ni COMELEC OIC ASST. Election Officer II Melpre A. Mercadera, nga kining ilang gihimo aron mahatagan ug dugang atensyon ang mga national candidates sa mga campaign materials niini.
Ang maong kalihukan inubanan sa mga kawani sa Department of Environment and Natural Resources (DENR) diin kusganon usab nga gipanguha ang gipangtaptap sa mga punuan sa kahoy.
Dugang pa ni Mercadera nga nagsugod ang campaign period sa National positions, gikan February 11, 2025 hangtud na sa May 10, 2025 ug sa Local positions mag start sa March 28 hangtud sa May 10 ning kasamtangang tuig.(Angelica T. Obina)
Source: Dipolog City COMELEC
Photos: Marites Camahalan