Nahimong sentro sa arte ug kultura ang Museo Dipolog human opisyal nga gibuksan ang “Tipok-Tapok” Group Art Exhibit niadtong Mayo 15, 2026 isip kabahin sa kasaulogan sa ika-27 nga P’gsalabuk Festival.
Gipakita sa exhibit ang nagkalain-laing obra sa lokal nga mga artista nga naghulagway sa kinabuhi, kultura, ug artistic expression sa mga Dipolognon. Ang pulong nga “Tipok-Tapok” nagrepresentar sa panaghiusa sa mga artists pinaagi sa ilang parehas nga gugma sa arte.
Mibisita usab sa maong exhibit ang mga residente, estudyante, ug art supporters aron motan-aw ug mosuporta sa lokal nga talento. Matod sa organizers, dako ang papel sa maong kalihokan sa pagdasig sa mas daghang kabatan-onan nga mosulod sa kalibutan sa arts ug creativity.
Usa kini sa mga cultural highlights sa festival nga nagpadayon sa pagpasiugda sa artistic identity sa Dipolog City.(IKEN B. GULLEM)
Source: Dipolog City Government