Gi apud-apod ngadto sa 354 ka mga benepisyaryo ang tig P10,000 ka pesos nga ayudang pinansyal ilawom sa Assistance to Individuals in Crisis Situation (AICS) program,gikan sa DSWD Region 9, niadtong Abril 28,2025, didto sa ground floor sa Government Center sa Dapitan, Zamboanga del Norte
Ang maong pagpang-apod-apod sa maong ayuda gidumalahan pinaagi sa representante sa DSWD Region IX, nga sila si Ms. Racquel G. Ege, Social Welfare Officer II, Mr. Eustiquio M. Arances, Administrative Assistant I, ug Ms. Gracy D. Manuel, Social Welfare Assistant.
Gilangkuban sa nagkalain-laing benepisyaryo gikan sa una ug ikatulong distrito ning lalawigan sa Zamboanga del Norte, ang malampusong nakadawat sa gitanyag nga ₱10,000 ka pesos nga ayudang pinansyal nga makatabang ngadto sa mga benepisyaryo nga kabos, walay igong kapahinguhaan ug kalisod sa panginabuhian.(Medalyn U. Borja)
Source: City Government of Dapitan