Nagmalampuson ang gipahigayon sa buhatan sa Philippine Statistics Authority (PSA) Zamboanga del Norte nga third-level training alang sa July 2025 Labor Force Survey (LFS) ug Family Income and Expenditure Survey (FIES) First Visit gikan niadtong Hunyo 30 hangtod Hulyo 6,2025 didto sa Missio Dei Hotel, ning dakbayan sa Dipolog.
Ang maong training nga malungtarong natapos sulod sa 7 ka adlaw nga gisalmotan sa mokabat sa 57 ka mga hired personnel ug gipangunahan ni Officer-in-Charge Statistical Specialist II Andres S. Tapales Jr., uban ni Statistical Analyst Lanibel A. Pamatong nga maoy focal person.
Kini usa ka pagsuporta sa tulo ka mga trainer sa aktibidad nga gilangkuban nila ni Statistical Specialist II Angelica A. Guirjo, kinsa nagsilbi isip Assistant Focal Person; Registration Officer I Alicia A. Sieras, ug Assistant Statis-tician Morian-cumer A. Cabasag.
Ang LFS ug 2025 FIES, usa ka pagpahigayon alang sa binulan ug quarterly nga basehan, nagtigom sa mahinungdanong datos gikan sa mga panimalay sa tibuok nasud, nga naghatag ug importanteng datos sa panarbaho sa tibuok nasud, pagsuporta sa polisiya ug pagplano pinaagi sa mahinungdanong mga indikasyon sa pagtrabaho.
Sa laing bahin ang Hulyo 2025 para sa 1st Visit ug January 2026 LFS rounds para sa 2nd Visit, naghatag ug mahinungdanon pag-analisar sa mga sumbanan sa panginabuhi ug dili managsama nga kita mao ang nag-unang tinubdan sa datos sa kita, paggasto, ug konsumo sa mga pamilyang Pilipino.(Medalyn U. Borja)
Source: PSA Zamboanga del Norte