Mainiton nga gidawat sa lungsod sa Salug si Ferdinand Dela Merced, nga mas nailhan isip Walking Philippine Looper, atol sa ika-237 ka adlaw sa iyang talagsaong paglakaw libot sa tibuok Pilipinas kagahapon, Oktobre 24, 2025.
Nagsugod siya sa Luneta Park sa Manila niadtong Enero 2, 2025, ug sukad niadto nakalakaw na siya og kapin unom milyones ka lakang, dala ang mensahe sa kaisog, paglaum, ug pagkamapinalanggaon nga Pilipino.
Gisugat siya sa Mucas Bridge nila Hon. Marichu Acas Yap ug Ms. Mylyn Doria Pañares, ug naglakaw paingon sa PRRD Building diin sila Bise Mayor Engr. Michael Buzon ug mga kawani sa lokal nga kagamhanan naghulat aron sa pormal nga pag-abiabi ug pagturn-over sa Certificate of Appearance. Ang kalihukan nagtapos sa pagpahimangno sa determinasyon, panaghiusa, ug garbo nga Pilipino.(Jeniffer Jr. Delica)
Photo/Source: Salug Tourism