Gisugdan kagahapon, Oktobre 24, 2025, ang screening ug preliminary interview alang sa 58 ka aplikante nga gustong mosulod sa serbisyo sa kapulisan, nga gipahigayon sa Executive Conference Room sa City Hall sa Dipolog.
Ang kalihukan gipangunahan sa Ad Hoc panel sa Philippine National Police uban ni City Mayor Roberto Uy, Hepe sa Kapulisan PLTCOL Kishna Asaali, ug Konsehal Raul Barbaso nga maoy usa sa mga miyembro sa panel sa pagtimbang-timbang sa kwalipikasyon ug kahikugmaon sa mga aplikante.
Ang maong proseso kabahin sa pagpalig-on sa han-ay sa kapulisan aron masiguro nga ang mga masulod nga bag-ong pulis anaa’y integridad, disiplina, ug kasingkasing sa pagserbisyo sa katawhan.(Jeniffee Jr. Delica)
Source/Photo Courtesy: Dipolog City Government