Gibanhigan sa Department of Social Welfare and Development (DSWD) Field Office IX, pinaagi sa Municipal Operations Office sa Piñan, ang ika-upat nga “4Pista ng Tagumpay” nga nagsaulog sa graduation ug exit ceremony sa 754 ka mga benepisyaryo sa Pantawid Pamilyang Pilipino Program (4Ps), Oktobre 24, 2025.
Ang kalihukan nagtimaan sa kalampusan sa mga benepisyaryo nga nakahuman sa programa ug nakabarog na sa kaugalingong pagpaningkamot. Gipasiugda sa mga opisyal sa DSWD, lokal nga kagamhanan, ug mga partner stakeholders ang panaghiusa ug pagpaningkamot sa mga pamilya aron makab-ot ang malungtarong kauswagan.
Gipangulohan ni DSWD Provincial Operation Officer Dan Vincent Balais ug Acting SWO III Marlon De Guia ang kalihukan uban sa mga opisyal sa Piñan, nga mapasalamaton sa determinasyon sa mga graduates sa paglambo ug pagpalig-on sa ilang kaugalingong kinabuhi.(Jeniffer Jr. Delica)
Source: Mayor Rommel Gudmalin and Piñan Zamboanga del Norte