Giablihan na kaniadtong Enero 18, 2026, ang Dapitan City Temporary Public Market sa DAMPA, Barangay Banonong, aron mapadayon ang panginabuhian sa mga mamaligyaay samtang ginahikay pa ang permanenteng merkado sa siyudad.
Ang pag-abli gipahigayon pinaagi sa balaang misa, bendisyon ug ribbon cutting nga gipangunahan sa lokal nga kagamhanan ubos ni Mayor Belen Uy. Giila sa mayor ang paspas nga paglihok sa mga buhatan sa siyudad ug ang suporta sa Sangguniang Panlungsod nga gipangulohan ni Vice Mayor Gabriel M. Cad.
Kini nga merkado adunay seksyon alang sa karinderya, bugas ug mais, karne, isda ug bulad, ingon man utanon ug prutas. Dako ang pasalamat sa mga vendors sa dakbayan sa paghatag og prayoridad sa ilang panginabuhian ug gidasig silang ampingan ang kalimpyo ug kahusay sa bag-ong dapit.(IKEN B. GULLEM)
Source: City Government of Dapitan