Malampusong napahigayon ang Technical Working Group (TWG) Meeting sa 1st Zamboanga del Norte Provincial Mobile Force Company (1st ZNPMFC) sa Purok Daisy, Sicayab, Dipolog City, ubos sa lig-on ug matinud-anong pagpanguna ni PLTCOL Ryan Jay R. Capurcos, Force Commander sa nasangpit nga yunit.
Gipasiugda sa TWG meeting ang kahinungdanon sa panaghiusa, kooperasyon, ug tinabangay tali sa kapulisan ug komunidad, ilabi na sa pagpatuman sa mga proyekto nga nagatutok sa pagpanalipod ug pagtabang sa mga labing nanginahanglan nga sektor sa katilingban.
Mitambong ug aktibong misuporta sa maong kalihukan ang mga miyembro sa Advisory Council, nga gipangulohan ni Chairman Cesar Bala. Ang ilang padayon nga dedikasyon sa serbisyo publiko dakong tabang sa pagpalig-on sa mga programa ug inisyatiba sa kapulisan alang sa kaayohan sa katawhan.
Kini nga kalihukan nagtimaan sa laing lakang padulong sa mas lig-on nga panag-partner sa lokal nga kapulisan ug mga stakeholder, aron masiguro nga ang tanang inisyatiba ginapatun-an, ug ginahimo uban ang komon nga responsibilidad alang sa kalinaw ug kalamboan sa lalawigan.(IKEN B. GULLEM)
Source: Zamboanga del Norte 1st Provincial Mobile Force Company