Nagkahiusa ang twin cities Dapitan ug Dipolog sa paghatag paningkamot sa mas angay nga pagplano alang sa mas hapsay ug malungtarong kaugmaon human ilang gihimo ang 3rd Stakeholder Consultation Workshop alang sa Dapitan–Dipolog Growth Plan 2050 kaniadtong Enero 28, 2026 sa Dipolog City Social Hall.
Kini nagtumong sa paghimo og dugay-ng-panahong master plan nga motubag sa nagkadugang nga populasyon, ekonomiya, ug turismo sa duha ka siyudad. Sa unang adlaw sa konsultasyon, gipunting ang Transit-Oriented Development (TOD) isip paagi sa pagsulbad sa nagkagrabeng problema sa trapiko ug mobilidad.
Atol sa diskusyon, gihisgutan sa mga lokal nga lider, teknikal nga eksperto, ug stakeholders ang kahimtangan sa kasamtangang dalan, transportasyon, ug access sa komunidad. Gitutokan usab ang paghiusa sa land use ug transport planning aron mas sayon, luwas, ug episyente ang paglihok sa mga tawo.
Samtang, mihatag og giya si Architect Constantine Co, usa ka eksperto sa transportation planning, nga mipasiugda sa people-centered ug integrated transport systems aron mapauswag ang kalidad sa kinabuhi sa mga residente.
Gipakita sa workshop ang panaghiusa sa Dapitan ug Dipolog sa pag-andam karon alang sa kaugmaong mas organisado, klaro, ug malungtaron.(IKEN B. GULLEM)
Source: City Government of Dapitan